额敏:建高标准农田 夯实农业现代化根基

额敏：建高标准农田 夯实农业现代化根基

ٴدوربىلجىن: جوعارى ولشەمدى ەگىنجاي سالىپ، اۋىل شارۋاشىلىعىنىڭ وسىزاماندانۋ نەگىزىن بەكەمدەدى

   ٴتىلشىمىز فان چۇنحاي، ۇسىنىس ەتىلگەن ٴتىلشى ليۋ پىڭ حابارلايدى. جۋىقتا ٴدوربىلجىن اۋدانى جەلاعاش قالاشىعىنىڭ جوعارى ولشەمدى ەگىنجاي قۇرىلىسى نىسانىنىڭ ٴبىرىنشى مەردىگەرلىك بولەگىنىڭ قۇرىلىس مايدانىندا، نىسان قۇرىلىسى جەدەل ىلگەرىلەتىلىپ، جۇمىسشىلار توعان قازۋ، ترۋبا جاتقىزۋ، قۇبىر تۇتىكشەسىن جالعاۋ سياقتى جۇمىستاردى جۇرگىزىپ، قۇرىلىس مايدانى دابىرالى كۇيگە  ٴتۇستى.

   قۇرىلىس جۇمىسىنىڭ تەحنولوگيالىق قىزمەتكەرى ۋ چياڭنىڭ تانىستىرۋىنشا، ٴبىرىنشى مەردىگەرلىك بولەكتەگى 17 مىڭ مۋ جوعارى ولشەمدى ەگىنجاي قۇرىلىسى نىسانى جۇمىسى قالپىنا كەلتىرىلگەن نىسان بولىپ، مۇنىڭ 16 مىڭ مۋى مۇقىرسۋ قىستاعىندا تۇتاس قىستاق بويىنشا ىلگەرىلەتىلەدى ەكەن. بۇل نىسان 2025-جىلى 10-ايدا قۇرىلىس باستاعان، سول جىلى قۇرىلىس مولشەرىنىڭ %70ى ورىندالىپ، مەجەمەن بيىل 5- ايدىڭ ورتا شەنىندە قۇرىلىس جۇمىسى بۇكىلدەي اياقتالادى ەكەن. 

   مۇقىرسۋ قىستاعىندا 177 وتباسى 499 تۇرعىن بار، جان باسىنا 18 مۋدان ەگىستىك جەر تۋرا كەلەدى، نەگىزىنەن ٴبيداي، جۇگەرى سياقتى ەگىس داقىلدارىن ەگەدى.

    جوعارى ولشەمدى ەگىنجاي قۇرىلىسىنىڭ پايداسى جونىندە توقتالعاندا، مۇقىرسۋ قىستاعى پارتيا ياچەيكاسىنىڭ شۋجيى فەي جينميڭ: ”بۇل نىسان جەردى رەتتەۋ-وڭاۋ جانە سۋ يگىلىگى قۇرىلعىلارىن كەمەلدەندىرۋ ارقىلى اۋىل شارۋاشىلىعى ٴوندىرىسى شارت- جاعدايىن ٴونىمدى جاقسارتىپ، جاڭادان سالىنعان قۇبىر جولىنىڭ قىسىمعا ٴتوزۋ قۋاتى 4 كيلوگرامنان 8 كيلوگرامعا جوعارىلاپ، قۇبىردىڭ جارىلۋىنان ٴونىمدى ساقتانۋعا بولادى، پايدالانۋ مەرزىمى بۇرىنعى ٴوزىمىز سالعانداعى 6 جىل اينالاسىنان، 15 جىلدىڭ اينالاسىنا ۇزاردى. جوعارى ولشەمدى ەگىنجايدا ەگىلگەن ەگىس داقىلدارىنىڭ ٴونىم مولشەرى بۇرىنعىدان ارتىپ، جۇگەرىنىڭ بىرلىك ٴونىمىن 100 كيلوگرامعا جۋىق جوعارىلاتۋدان ٴۇمىت بار“ دەدى. 

   ٴدوربىلجىن اۋدانى اۋىل شارۋاشىلىعىنداعى ٴىرى اۋدان، قازىر ٴبىر ميلليون 800 مىڭ مۋ ەگىستىك جەرى بار. جۋىق جىلداردان بەرى، جاسىل، جوعارى ساپالى دامۋ جولىمەن جۇرۋگە تاباندى بولىپ، ىلگەرىندى-كەيىندى مەملەكەتتىك جاسىل دامۋدان ۇلگى كورسەتەتىن رايون، اۋىل شارۋاشىلىعىن جاسىل دامىتۋدى الدىمەن اتقاراتىن رايون سياقتى داڭقتارعا يە بولعان.

   ٴدوربىلجىن اۋداندىق اۋىل شارۋاشىلىعى تەحنولوگياسىن جالپىلاستىرۋ ورتالىق پۋنكتىنىڭ باستىعى يىن چياڭ: ” ٴدوربىلجىن اۋدانى وسى زامانعى اۋىل شارۋاشىلىعىن دامىتۋ مەن اۋىل-قىستاقتى گۇلدەندىرۋدى ٴوزارا ۇشتاستىرىپ، جەردى تەگىستەۋ، ەگىنجاي جولدارىن سالۋ سياقتى قۇرىلىس جۇمىستارىن جۇرگىزۋ ارقىلى ’اتىزى شارشى، جولدارى تۇتاسقان، ارىق-توعاندارى ۇلاسقان، قۋاڭشىلىق كەزىندە سۋارۋعا بولاتىن، تاسقىن سۋىن ىعىستىرا الاتىن ‘وسىزاماندانعان ەگىنجاي ارناسىن بىرتىندەپ قالىپتاستىرىپ، اۋىل شارۋاشىلىعى ونىمدىلىگىنىڭ جوعارىلاۋىن، شارۋالار كىرىسىنىڭ ارتۋىن قامتاماسىز ەتتى. 2025-جىلدىڭ سوڭىنا دەيىن، بۇكىل اۋداننىڭ جوعارى ولشەمدى ەگىنجاي قۇرىلىسى كولەمى 860 مىڭ 900 مۋعا جەتتى“ دەدى.

   2025-جىلى ٴدوربىلجىن اۋدانىنىڭ اۋىل شارۋاشىلىعى ٴونىم قۇنى 5 ميلليارد 121 ميلليون يۋانعا جەتىپ، سايكەس مەزگىلدەگىدەن ％4.4ارتتى. 

   بيىل استىق ٴوندىرىسىنىڭ نەگىزىن بەكەمدەپ، وسى زامانعى اۋىل شارۋاشىلىعىنىڭ جوعارى ساپالى دامۋىن ىلگەرىلەتىپ، اناعۇرلىم كوپ شارۋا وتباسىن جوعارى ولشەمدى ەگىنجاي سىندى حالىققا تيىمدىلىك جەتكىزۋ ينجەنەرياسىنان يگىلىكتەندىرۋ ٴۇشىن، ٴدوربىلجىن اۋدانى تاعى 80 مىڭ مۋ جوعارى ولشەمدى ەگىنجاي سالۋدى جوسپارلاپ وتىر.

   ۇعىسۋعا قاراعاندا، 2026-جىلى جوعارى ولشەمدى ەگىنجاي قۇرىلىسى نىسانى شاڭحۋ قالاشىعىندا اتقارىلىپ، جالپى 195 ميلليون 600 مىڭ يۋان قارجى قوسىلىپ، وبالى 1 -قىستاعى، ساتەك قىستاعى سياقتى 6 قىستاقتى قامتىعان، نىسان 3-ايدىڭ 30-كۇنى جۇمىس باستاعان ەكەن. 

   ٴدوربىلجىن اۋداندىق اۋىل شارۋاشىلىعى، اۋىل-قىستاق مەكەمەسىنىڭ باستىعى جاڭ جينگو: ”بۇل نىساندا نازار ەگىستىك جەردىڭ ساپاسىن جوعارىلاتۋ مەن اۋىل شارۋاشىلىعىنىڭ ٴوندىرىس شارت-جاعدايىن جاقسارتۋعا شوعىرلاندىرىلدى. نىسان سالىنىپ بولعاننان كەيىن، 988 وتباسىنداعى 2892 قىستاق تۇرعىنى يگىلىگىن كورىپ، اۋىل-قىستاقتى گۇلدەندىرۋگە باياندى قوزعاۋشى كۇش ۇستەيدى“ دەدى.

来源：塔城地区融媒体中心

编辑：古丽加米·那先

审核：哈得列提·塞甫拉

终审：阿达力·阿克拜

ەكىلىكتى جايمالاپ، بىزگە قوسىلىڭىز!

请扫二维码关注我们